Heilaleikfimi í hádeginu - Hádegistónleikar

Hádegistónleikar

Á ljúfum nótum í Fríkirkjunni

fimmtudaginn 2. Desember kl. 12

- Heilaleikfimi í hádeginu -

Flytjendur:

Anna Þórhildur Gunnarsdóttir, píanisti

Ingibjörg Þorsteinsdóttir, píanisti

Um tónleika:

Heilaleikfimi í hádeginu

Þessir hádegistónleikar draga fram heillandi heim Wolfgang Amadeus Mozart og sónötu hans K. 448, sem tengd hefur verið svokölluðum Mozart-áhrifum. Rannsóknir benda til að hlustun á þessa sónötu hafi jákvæð áhrif á vinnsluminni heilans og skapsmuni. Verður sú kenning lögð fyrir áheyrendur til að skera úr um.

Hefjast tónleikarnir á djúpum og hlýjum tónum Rachmaninoffs þar sem ólgandi tilfinningarnar krauma undir yfirborðinu. Úr því leiðir léttleiki Barnaleikja Bizets hlustandann yfir í bjartari tóna. Þar tekur við ærslafullur Mozart, fullur af leik- og lífsgleði.

Tónleikarnir fara fram í Fríkirkjunni við Tjörnina og eru hluti af tónleikaröðinni Á ljúfum nótum í Fríkirkjunni.

Tónleikarnir hefjast kl. 12 og taka um hálfa klukkustund.

Aðgangseyrir 2.000 kr.

Ath. ekki er tekið við greiðslukortum.