Lifðu í sátt - lærðu að nota aðferðir ACT

Á þessu sex vikna námskeiði verður lögð áhersla á að kynna fyrir þátttakendum sálfræðilegan sveigjanleika til að auka þrautseigju og seiglu.

ACT (Acceptance and Commitment Therapy) er eitt örast vaxandi gagnreynda meðferðarformið í heiminum í dag. Það telst til þriðju bylgju hugrænnar atferlismeðferðar og miðar að því að auka sálfræðilegan sveigjanleika. ACT byggir á þeirri kenningu að í stað þess að bæla eða forðast sársaukafulla atburði séu núvitund og sátt sveigjanlegri viðbrögð gagnvart áskorunum lífsins.

Á námskeiðinu sem spannar sex vikur verður lögð áhersla á að kynna fyrir þátttakendum sálfræðilegan sveigjanleika til að auka þrautseigju og seiglu.

Með því að upplifa hugsanir, líkamleg viðbrögð og tilfinningar á sveigjanlegri hátt er hægt að draga úr neikvæðum afleiðingum þeirra.

Námskeiðið gagnast öllum sem hafa áhuga á að læra nýjar leiðir til að takast á við sjálfa sig og áskoranir í lífinu.

Efni og ávinningur

Á námskeiðinu er fjallað um:

• Að láta hluti gerast með skuldbindingu.
• Að öðlast frelsi með því að nota sjálfan þig sem samhengi.
• Að búa til fókus, sveigjanleika og lífsfyllingu með því að tengjast núinu.
• Að aftengjast hugsunum.
• Að verða sveigjanlegri með persónuleg gildi.
• Að valdefla þig í gegnum sátt.

Ávinningur þinn:

• Aukin hugræn þrautseigja og seigla.
• Leiðir til að þróa og styrkja sálfræðilega sátt.
• Að vera meira til staðar í núinu.
• Hvernig má koma í veg fyrir að hugrænar takmarkanir stoppi þig.
• Leiðir til þess að nálgast gildin þín.