Ljósalistaverk (Reyðarfjarðarkirkja) með Mercury Maze

Í tilefni Daga myrkurs mun listahópurinn Mercury Maze umbreyta kirkjum í þremur bæjum Fjarðabyggðar í lifandi listaverk með ljósum, hljóðum og gagnvirkri vörpunarlist.

Verkið sækir innblástur í þjóðsöguna um Völvuna á Hólmahálsi, sem samkvæmt sögunni verndaði fjörðinn og samfélagið. Með samspili ljóss, hljóðs og hreyfingar fær þessi gamla þjóðsaga nýtt líf og gestum gefst tækifæri til að taka virkan þátt í listaverkinu. Mercury Maze samanstendur af listafólkinu Katerinu Blahutovu, Þorsteini Eyfjörð og Owen Hindley, sem sameina myndlist, tónlist og tækni í einstaka upplifun. 27. október kl. 19:00–21:00 – Reyðarfjarðarkirkja, Reyðarfirði (Breyttur tími) 28. október kl. 20:00–22:00 – Fáskrúðsfjarðarkirkja, Fáskrúðsfirði 29. október kl. 20:00–22:00 – Norðfjarðarkirkja, Neskaupstað Aðgangur er ókeypis og öll velkomin!