Mannauðsmál frá A til Ö

Vandað og ítarlegt námskeið þar sem fjallað er um mannauðsmál af öllu tagi, allt frá ráðningu til starfsloka.

Á námskeiðinu er fjallað er um hagnýt atriði mannauðsstjórnunar með skýrum hætti. Stjórnendur standa frammi fyrir nýjum áskorunum vegna breytinga á starfsumhverfinu, en í þeim liggja jafnframt fjölmörg tækifæri. Fjarvinna og sveigjanlegt starfsumhverfi, velferð starfsmanna og fjölbreytileiki eru á meðal umfjöllunarefna.

Markmið námskeiðsins er að auka sjálfstraust og færni stjórnenda með mannaforráð, m.a. til að leiða einstaklinga og teymi á hvetjandi og uppbyggilegan hátt til aukins árangurs. Að námskeiði loknu ættu þátttakendur að vera betur í stakk búnir til að nýta sér hagnýtar aðferðir mannauðsstjórnunar í starfi sem stjórnendur og stuðla að eigin starfsþróun í síbreytilegu starfsumhverfi.

Námskeiðið er einkum sniðið að stjórnendum sem ekki hafa sérstaka menntun í mannauðsstjórnun og stjórnendum smærri fyrirtækja sem ekki eru með sérstaka mannauðsdeild, en einnig öllum nýjum stjórnendum og millistjórnendum sem vilja efla hæfni sína í mannauðsstjórnun. Efnið nýtist í raun öllum sem vilja tileinka sér fagleg vinnubrögð innan skipulagsheilda og stuðla að heilbrigðu og öflugu starfsumhverfi.

Efni og ávinningur

Á námskeiðinu er fjallað um:

• Stjórnendahlutverkið.
• Ráðningarferlið frá A til Ö.
• Starfsmannasamtöl, hvatningu, frammistöðu og endurgjöf.
• Starfsþróun.
• Breytingastjórnun.
• Erfið starfsmannamál.
• Fjölbreytileiki á vinnustöðum.
• Vinnustaðamenningu.
• Samskipti og upplýsingaflæði.
• Velferð á vinnustað.
• Nýja starfsumhverfið – tækifæri og áskoranir.

Ávinningur þinn:

• Aukið öryggi í stjórnendahlutverkinu.
• Aukin færni í ráðningum og nýliðamóttöku.
• Færni til skilvirkari samskipta og til að takast á við erfið starfsmannamál.
• Leikni í að efla liðsheild og stuðla að góðum starfsanda.
• Færni í að leiða fjölbreytilegan starfshóp.
• Færni í að stuðla að markvissri starfsþróun og leiða breytingar.

Nánar um kennara

Kennarar eru þær Guðrún Jóhanna Guðmundsdóttir og Hildur Halldórsdóttir, sérfræðingar í mannauðsmálum og eigendur AUKI – mannauður og stjórnendaráðgjöf.

Auk þeirra sinna kennslu:

• Guðríður Sigurðardóttir, sérfræðingur í mannauðsmálum og einn eiganda Attentus.
• Sigrún Ósk Jakobsdóttir, mannauðsstjóri hjá Advania.
• Hrund Grétarsdóttir, verkefnastjóri menningar hjá Isavia.
• Unnur Ásta Bergsteinsdóttir, lögmaður og eigandi hjá MAGNA lögmönnum.
• Þóra Christiansen, aðjúnkt við HÍ.
• Fleiri gestakennarar verða kynntir síðar.