Norræn sönggleði – frá kirkju til kráar

Norræn sönggleði – frá kirkju til kráar

Tónleikar í Laugarneskirkju laugardaginn 3. október kl. 17

Söngfjelagið og Gamle Oslo kro- og kirkekor (GOKK)

Aðgangseyrir 2500kr. Miðasala við innganginn.

Gamle Oslo kro- og kirkekor (GOKK) er blandaður kór frá Noregi. Nafnið má útleggja sem Kráar- og kirkjukór gömlu Óslóar og efnisskráin er fjölbreytt eftir því: Andleg jafnt sem veraldleg tónlist frá ólíkum tímabilum og í ýmsum útfærslum.

Á tónleikunum í Laugarneskirkju verða flutt nokkur af uppáhaldslögum kórsins, meðal annars lög frá 40 ára afmælistónleikum GOKK, þar sem nýlega samin norræn tónlist var í fyrirrúmi.

Söngfjelagið

Söngfjelagið er blandaður kór undir stjórn Lilju Daggar Gunnarsdóttur, stofnaður 2011 og löngu orðinn kunnur í tónlistarlífi höfuðborgarinnar.

Fastir liðir á verkefnaskrá kórsins eru árlegir aðventutónleikar og sumarfagnaður á síðasta vetrardag. Þess á milli flytur Söngfjelagið þjóðlög, jazz, klezmer, klassík og hvaðeina sem andinn blæs kórnum í brjóst. Einu er þó ávallt hægt að ganga að sem vísu; sönggleðin er í fyrirrúmi.

Kórarnir syngja nokkur lög hver í sínu lagi og spreyta sig einnig á því að syngja saman, á norsku jafnt sem íslensku.

Aðgangseyrir er 2500kr. Miðasala við innganginn