Spænska I

Langar þig að læra grunnatriðin í spænsku?
¿Quieres aprender español?

Á þessu námskeiði verða helstu málfræðiatriði kynnt og farið yfir orðaforða sem nýtist í daglegu lífi. Lögð verður áhersla á lesskilning, ritun stuttra texta, hlustun og tjáningu.

Á námskeiðinu er unnið á tölvu í tímum og þurfa þátttakendur að hafa tölvu meðferðis. Kennsluaðferðir á námskeiðinu eru verkefnamiðaðar og markmiðið er að nemendur séu virkir þátttakendur í eigin námi. Unnin eru fjölbreytt verkefni á kennslukerfinu Moodle, sem nemendur hafa aðgang að á meðan á námskeiðinu stendur.

Námskeiðið er ætlað byrjendum í spænsku sem hafa engan grunn í tungumálinu.

Einnig er vakin athygli á framhaldsnámskeiðinu Spænska II.

Efni og ávinningur

Á námskeiðinu er fjallað um:

• Helstu málfræðiatriði spænskunnar.
• Farið yfir hagnýtan orðaforða.
• Menningu spænskumælandi landa.

Ávinningur þinn:

• Skilningur á uppbyggingu tungumálsins.
• Grunnfærni í spænsku og geta til að eiga einföld samskipti á einu af útbreiddustu tungumálum heimsins.
• Innsýn inn í hinn spænskumælandi heim.