Undraheimur Þingvalla

Á þessu námskeiði deila sérfræðingar úr fimm fræðasviðum dýrmætri innsýn í náttúru, sögu og arfleifð Þingvalla.

Gerðu næstu ferð að Þingvöllum að einstæðri upplifun! Á þessu námskeiði deila sérfræðingar fimm fræðasviða dýrmætri innsýn í náttúru, sögu og arfleifð Þingvalla – helgasta svæði Íslendinga.

Þetta þriggja kvölda námskeið veitir þverfaglega sýn á Þingvelli í gegnum jarðfræði, líffræði, fornleifafræði, stjórnmálasögu og verndunarsjónarmið. Kennslan fer fram með fyrirlestrum frá sérfræðingum sem hafa rannsakað og unnið að verndun svæðisins.

Námskeiðið hentar öllum sem vilja dýpka skilning sinn á Þingvöllum. Sérstaklega gagnlegt fyrir kennara, leiðsögumenn, starfsfólk menningarstofnana, náttúruverndar og þau sem starfa í ferðaþjónustu. Engar forkröfur.

Efni og ávinningur

Á námskeiðinu er fjallað um:

• Helstu jarðmyndanir á Þingvallasvæðinu, jarðskorpufleka og gosbeltaflutninga.
• Lífríki Þingvallavatns, vistkerfi þess og álag á vatnið.
• Löggjöf og regluverk sem verndar Þingvallavatn og vatnasvið þess.
• Sögu Alþingis, Lögbergs og hlutverk lögsögumanns.
• Túlkun þjóðveldisins, lýðveldis og ríkisvalds í sögulegu samhengi.
• Þingvelli sem tákn andófs og minninga, t.d. refsinga og þjóðhátíða.
• Hugmyndir Jóns Sigurðssonar og Tómasar Sæmundssonar um Þingvelli í samtímanum.
• Fornleifarannsóknir frá 19. öld og núverandi skráning í þjóðgarðinum.
• Þjóðgarðsstjórn og helstu verkefni á svæðinu.
• Þingvelli á Heimsminjaskrá UNESCO- þýðingu og áhrif.

Ávinningur þinn:

• Þekking á jarðfræði og vistkerfi Þingvalla.
• Innsýn í stjórnskipulegt og menningarlegt gildi svæðisins.
• Betri skilningur á verndunarmálum og fornleifarannsóknum.
• Dýpri tenging við sögu og sjálfsmynd þjóðarinnar.