Magnús Lyngdal Magnússon

About

Magnús Lyngdal Magnússon lauk prófi í sagnfræði og íslensku frá Háskóla Íslands og prófi í trompetleik frá Tónlistarskólanum á Akureyri. Hann er tónlistargagnrýnandi Morgunblaðsins og fjallar reglulega um klassíska tónlist í Ríkisútvarpinu. Þá hefur hann kennt vinsæl námskeið um klassíska tónlist og óperur hjá Endurmenntun Háskóla Íslands. Magnús hefur haft áhuga á klassískri tónlist frá blautu barnsbeini. Hann hefur viðað að sér umfangsmikilli þekkingu á greininni og fjallað um klassíska tónlist og óperur í ræðu og riti um áratuga skeið. Magnús hefur ástríðu fyrir því að leiða fólk inn í leyndardóma óperunnar og opna heim hennar og sígildrar tónlistar fyrir almenningi.